Qax rayonunun Əmbərcay kəndi ərazisində yol-nəqliyyat hadisəsi baş verib.
"Qafqazinfo"nun məlumatına görə, bu gün axşam saatlarında Şəkidən Qax istiqamətində hərəkət edən Qax sakini Papiaşvili Amiran Yorayev idarə etdiyi "KamAZ" markalı avtomobillə 1953-cü il təvəllüdlü Əmbərcay kənd sakini Əhmədov Fikrət Sadıx oğlunu vurub. Yaralı Qax Rayon Mərkəzi Xəstəxanasına aparıldıqdan bir qədər sonra dünyasını dəyişib.
Faktla bağlı araşdırma aparılır.
Mübariz Muradov