Kanalizasiya sistemini təmizləyən işçiləri maşın vurdu
Bakıda kanalizasiya quyusunda təmir işləri aparan “Azərsu” əməkdaşlarını maşın vurub.
“Qafqazinfo” xəbər verir ki, hadisə Nərimanov rayonu, Xətai prospektində gecə saat 01 radələrində baş verib.
Bakı şəhər sakini, 1974-cü il təvəllüdlü Zaur Məmmədov idarə etdiyi “Mercedes” markalı avtomobillə prospektdə kanalizasiya sistemini təmizləyən əməkdaşların saxladığı və “Azərsu”ya məxsus olan “MAN” markalı maşını vurub.
Nəticədə sürücü Z.Məmmədov və orada işləyən fəhlələr – 1960-cı il təvəllüdlü Rahəd Mənəfov, 1983-cü il təvəllüdlü Nurlan Qəhrəmanov xəsarət alıb. Onlar xəstəxanaya yerləşdirilib, vəziyyətləri orta-ağırdır.
Hadisə ilə bağlı araşdırma aparılır.
Son Xəbərlər
- 1
- 2
- 3
- 4
- 5
- 6
