Karantin rejimini pozdu, üzərindən narkotik çıxdı - Foto

karantin-rejimini-pozdu-uzerinden-narkotik-cixdi
Oxunma sayı: 1416

Zaqatalada karantin rejimini pozan şəxsdə narkotik vasitə aşkarlanıb.

“Qafqazinfo” DİN-ə istinadən xəbər verir ki, Zaqatala şəhər sakini Emil Cavadzadənin sənədləri yoxlanılarkən onun rejim qaydalarını pozaraq icazəsiz çölə çıxdığı müəyyən edilib. Barəsində İnzibati Xətalar Məcəlləsinin müvafiq maddəsi ilə protokol tərtib edilərkən Emil Cavadzadənin narkotik vasitə daşımasına dair əsaslı şübhələr müəyyən edildiyindən o, Polis Şöbəsinə gətirilib.

Şəxsi axtarış zamanı E.Cavadzadədən 1 ədəd sellofan torbada ümumi çəkisi 350 qram olan narkotik vasitə-qurudulmuş marixuana aşkar edilərək götürülüb. O, şübhəli şəxs qismində saxlanılıb.

Faktla bağlı Zaqatala Rayon Polis Şöbəsində araşdırma aparılır.