“Qafqazinfo” “Bakı” klubunun müdafiəçisi Yure Tranvnerin apasport.az saytına müsahibəsi

- Məşqlər necə gedir?

- Normal. Hələlik Bakıda hazırlıq keçirik.

 - Baş məşqçi Milinko Pantiçin komandanın yanında olmamağının səbəbi nədi?

- Bilmirəm. Onun nə vaxt gələcəyi dəqiq deyil. Komanda hələlik köməkçi məşqçilərin rəhbərliyi altında hazırlaşır.

 - Pulsuz məşq etmək ağır deyil?  

- Çətindi. Amma səbr edirik. Düzələcəyini deyirlər. Hələlik xoş xəbər olmasa belə, ümidimizi üzməmişik. Hazırda rəhbərlikdən şad xəbər gözləyirik.

 - “Bakı”da nə qədər pulunuz qalıb?

- Bu haqda  danışmaq istəmirəm. Digər futbolçularda nə qədər qalıbsa, məndə də o qədər.

 - Artıq yerli futbolçulardan Rauf Əliyev, Cavid Hüseynov və Əfran İsmayılov komandadan ayrıldılar...

- Bizim klubla müqaviləmiz var. Ona görə də burdayıq.

 - Həmin futbolçuların da klubla müqaviləsi vardı...

- Pul olmayacaqsa, yəqin ki, “Bakı”da olmayacaq. Düzdü, problemlər hələ həll olunmayıb. Gözləməyə məcburuq.

 - Klub rəhbərliyi futbolçuların pullarını verməsə, hansı addımı atacaqsınız?

- Nə edəcəyik, hamımız FİFA-ya şikayət edəcəyik.

 - Sizdən öncə “Bakı”nın sabiq futbolçuları  - Ruslan Leviqa və Aleksandr Tamovski də FİFA-ya şikayət ediblər. Amma hələlik pullarını ala bilməyiblər...

- Əgər bütün futbolçular şikayət etsələr, o zaman klub heç gənclərlə də çıxışını davam etdirə bilməyəcək. FİFA komandaya sanksiya tətbiq edəcək. Klub fəaliyyətini tamamilə dayandıracaq. Bu da gənc futbolçular üçün çox pis olacaq.