“Köməkçilərimizi qeydiyyatdan keçirə bilmirik”
“Köməkçilərimizi qeydiyyatdan keçirə bilmirik”. “Qafqazinfo”nun verdiyi xəbərə görə, bunu deputat Sabir Rüstəmxanlı deyib. O bildirib ki, bütün deputatların köməkçiləri Bakı qeydiyyatında deyil:
“Mənim köməkçim Neftçalada yardım paylayır. Amma mən onu hələ də köməkçim kimi təsdiqlədə bilməmişəm, həmin adam Neftçala qapı-qapı yardım paylayır. Biz onlayn formada iclasda iştirak edə biliriksə, bu məsələ də bu formada həll olunsun”.
Spiker Sahibə Qafarova deyib ki, bu məsələdə sənədlərdə çatışmazlıq var: “Fürsətdən istifadə edib demək istəyirəm ki, bir çox deputatların köməkçilərinin adları Bakıdadı, amma əslində hansısa rayondadırlar. Sənədləri hazır deyil. Xahiş edirəm, sənədlər düzgün toplanılsın”.
Murad Əhməd
Son Xəbərlər
- 1
- 2
- 3
- 4
- 5
- 6
