“Konorla davadan sonra Putin mənə zəng edib soruşdu ki...” - Həbib
UFC çempionu Həbib Nurməhəmmədov karyerasının ən böyük uğurundan danışıb.
“Qafqazinfo” “TASS”a istinadən xəbər verir ki, Həbib irlandiyalı döyüşçü Konor Makqreqor üzərində qələbəni böyük nailiyyət adlandırıb:
“Bütün müsahibələrindən və sözlərindən sonra onu susdurmağımı ən böyük uğurum sayıram. Makqreqora uduzmaq haqqım yox idi. Həmin qələbədən çox böyük həzz aldım”.
Həbibin sözlərinə görə, Konora qalib gəldikdən sonra qarışıq hisslər keçirib. “Döyüşdən sonra dava oldu və mən cangüdənlərin müşayiəti ilə otağa aparıldım. Onda mənə Vladimir Putin zəng edib soruşdu ki, necəyəm. Dedim ki, tribunanın altındakı otaqda oturmuşam, 300 cangüdən məni əhatəyə alıb, yəqin məni döyməyə hazırlaşırlar”.
Qeyd edək ki, Həbiblə Konorun qalmaqallı döyüşü 2018-i ilin oktyabrında Las-Veqasda baş tutub. Həbib 4-cü raundda qalib gələrək yüngül çəkidə UFC çempionu olub.
Son Xəbərlər
- 1
- 2
- 3
- 4
- 5
- 6
