Kral III Çarlza məxsus əmlak və aktivlərin müstəqil qiymətləndirilməsi onun milyarder ola biləcəyini göstərib.

“Qafqazinfo” xarici KİV-ə istinadən xəbər verir ki, monarxın maddi vəziyyətini “The Guardian” 12 ekspertin iştirakı ilə aparıb.

1,82 milyard funt-sterlinq qiymətləndirilən monarxın sərvətinin əsasını torpaq və daşınmaz əmlak təşkil edir. Söhbət xüsusilə, Şotlandiyadakı Balmoral qəsri və monarxın II Elizabetdən miras qalmış Norfolkdakı Sandrinqem sarayından gedir. Hər iki mülk XIX əsrin 50-60-cı illərində, Kraliça Viktoriyanın hakimiyyəti dövründə kral ailəsinin ixtiyarında idi. Bu gün onların dəyəri 330 milyon funt sterlinq olaraq qiymətləndirilir.

Kral həmçinin, ildə təxminən 20 milyon funt-sterlinq gəlir gətirən Lankaster Hersoqluğuna da sahibdir. Ekspertlər bu aktivin ümumi dəyərini 653 milyon funt sterlinq qiymətləndiriblər. “The Guardian” yazır ki, knyazlığın monarxın şəxsi ərazisi kimi statusu yüz illərdir ki, qızğın müzakirə olunur. Qurumun bir hissəsi hesab edir ki, ondan əldə olunan gəlir şəxsən monarxa deyil, xəzinəyə getməlidir.

Eyni zamanda III Çarlzın unikal zərgərlik kolleksiyasının olduğu, onların əksəriyyətinin II Elizabetin nənəsi, Tek kraliçası Meri tərəfindən toplandığı bildirilib. Bu kolleksiyanın bəzəklərinin Vindzor sülaləsinə aid olduğunu nəzərə alsaq, onların dəyəri, ekspertlərin fikrincə, 533 milyon funt-sterlinqə çata bilər.

Bundan əlavə, ekspertlər kralın əmlakı siyahısına dəyəri altı milyon funt sterlinq avtomobillər, II Elizabetin yetişdirməyi sevdiyi 27 milyonluq yarış atları və s. daxil edib.

Bukinqem sarayının rəsmiləri isə artıq şəxsi maliyyə ilə bağlı şərh vermədiklərini bildiriblər.

Qeyd edək ki, daha öncə “The Times” III Çarlzın sərvətini 600 milyon funt sterlinq qiymətləndirib.