Küçədə videosu yayılan azyaşlı tapıldı - Yenilənib
Ötən gün sosial şəbəkələrdə Bakı küçələrinin birində yol kənarında halsız vəziyyətdə görüntüsü yayılan məktəblinin yeri müəyyən olunub.
Bu barədə “Qafqazinfo”ya Ailə, Qadın və Uşaq Problemləri üzrə Dövlət Komitəsinin mətbuat xidmətinin rəhbəri Teymur Mərdanoğlu məlumat verib.
O bildirib ki, 15 yaşlı məktəbli gecə saatlarında tapılıb: “O, dünən gecə saatlarında 21 saylı Polis Bölməsinin əməkdaşları tərəfindən tapılıb. Hazırda müalicə müəssisəsinə yerləşdirilib”.
Qeyd edək ki, qurumdan bildirilmişdi ki, azyaşlı oğlan daha əvvəl dövlət komissiyası tərəfindən iki dəfə müalicə müəssisəsinə yerləşdirilib, orada müalicə olunub. Müalicəsi bitdikdən sonra xəstəxana tərəfindən valideyninə təhvil verilib.
***
DİN-in Mətbuat xidmətinin əməkdaşı Nurlan Əliyev "Qafqazinfo"nun sorğusuna cavab olaraq bildirib ki, narkotik istifadəçisi olan 2007-ci il təvəllüdlü şəxs Nəsimi rayonu ərazisində müəyyən olunub: "O, müalicə olunması məqsədilə polis əməkdaşları tərəfindən müvafiq tibb müəssisəsinə yerləşdirilib".
Son Xəbərlər
- 1
- 2
- 3
- 4
- 5
- 6
