Küləyə görə 4 gündür işıqsız qalmışdı, bərpa olunacaq
Lerik rayonunun Zuvand ərazisində bir neçə gündür işıq yoxdur. Bu barədə sakinlər “Qafqazinfo”ya müraciətlərində bildirib.
Onların sözlərinə görə, ərazidə güclü külək başladığı gündən etibarən işıqlar kəsilib: “4 gün olar ki, işıq yoxdur. Rayon mərkəzinə də işıq fasilələrlə verilir”.
“Qafqazinfo” məsələ ilə bağlı “Azərişıq” ASC-nin Mətbuat xidmətinin rəhbəri Tanrıverdi Mustafayevlə əlaqə saxlayıb. O bildirib ki, bu gün günorta saatlarında enerji verilişi tam bərpa olunacaq: “ Artıq küləyin sürəti dayandığından səhər saatlarından təmir-bərpa işlərinə başlanılıb. Güclü külək ağacları salıb işıq dayaqlarını qırmışdı. Fasilə bununla bağlı yaranmışdı”.
Son Xəbərlər
- 1
- 2
- 3
- 4
- 5
- 6
