Kürdə batanlardan birinin meyiti tapıldı - Yenilənib
Qazaxda Kür çayında batanların şəxsiyyəti müəyyənləşib.
"Qafqazinfo" xəbər verir ki, ilkin məlumata əsasən, çayda batanlar 1998-ci il təvəllüdlü Şirməmmədov Məhəd Elxan oğlu və 2006-cı il təvəllüdlü Fəttahov Həmzə Arif oğludur.
Kür çayının Qazax rayonunun Birinci Şıxlı kəndi ərazisində keçən hissəsində batan şəxslərin axtarışına FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub. Hal-hazırda axtarışlar aparılır.
***
Kürdə batan 1998-ci il təvəllüdlü Şirməmmədov Məhəd Elxan oğlunun meyiti Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq çıxarılıb və aidiyyəti üzrə təhvil verilib. Eyni vaxtda həmin ərazidə batan 2006-cı il təvəllüdlü Fəttahov Həmzə Arif oğlunun axtarışları davam etdirilir.
Son Xəbərlər
- 1
- 2
- 3
- 4
- 5
- 6
