Laçın rayon sakinlərinin koronavirus infeksiyasına yoluxma hallarına yol verilməməsi və onun qarşısının alınması, bu sahədə aparılan müvafiq profilaktik tədbirlərin effektivliyinin yüksəldilməsi məqsədilə müvafiq qrafik əsasında genişmiqyaslı profilaktik tədbirlər həyata keçirilib, hər gün Qərargah üzvləri Rayon Polis şöbəsinin əməkdaşları ilə birlikdə sakinlərlə maarifləndirmə və izahat işləri aparmaqla yanaşı, mobil qruplar tərəfindən də yerlərdə  əhalinin maksimum evdə qalması haqqında onlara çağırışlar edilib.

“Qafqazinfo” xəbər verir ki, infeksion xəstəliklərin yayılma təhlükəsini nəzərə alaraq Laçın  Rayon Gigiyena və Epidemiologiya Mərkəzinin əməkdaşları müəyyən olunmuş  tədbirlərə uyğun olaraq ərazidəki  ümumi istifadə yerlərində, həmçinin  rayonun məktəbəqədər və orta təhsil müəssisələri, kitabxana və klublarında, inzibati binalarda, ərzaq mağazalarında, ərazidəki bankomatlarda, park və meydanlarda, insanların kompakt toplaşdığı bütün yerlərdə yoluxucu xəstəliklərin profilaktikası məqsədi ilə kütləvi  dezinfeksiya işləri aparıblar. 

Aparılan işlərin yüksək səviyyədə təşkili üçün Laçın Rayon İcra  Hakimiyyəti tərəfindən rayonun şəhər, qəsəbə və kənd inzibati ərazi dasirəsi  üzrə nümayəndələrinə   aidiyyəti göstərişlər verilmiş, görülən işlər barədə  mütəmadi olaraq məlumatlar alınaraq ümumi vəziyyət nəzarətə götürülmüşdür.

Laçın Rayon İcra Hakimiyyətinin başçısı Aqil Nəzərli, rayonun hüquq-mühafizə orqanlarının rəhbərləri 2020-ci il 11 aprel tarixdə Bərdə rayonunda müvəqqəti məskunlaşmış Prezident təqaüdçüsü, Sosialist Əməyi Qəhrəmanı, “Qəhrəman Ana” Şərqiyyə Vəliyevanı və Rayon Ağsaqqallar Şurasının sədri, “Əməkdar müəllim” Ağayar İsmayılovu ziyarət edib, onlar ərzaq bağlanmaları və tibbi vasitələr çatdırıblar.