“Land Cruiser”də 114 min fişəng aşkarlandı - Foto

“Land Cruiser”də 114 min fişəng aşkarlandı
Oxunma sayı: 1329

Dövlət Gömrük Komitəsinə külli miqdarda pirotexniki vasitənin Azərbaycan vətəndaşı İlqar Məmmədov tərəfindən əldə edilməsi, Bakı şəhərinin Nizami rayonu, Özbəkistan küçəsi 1 ünvanında yerləşən “Yeni Ev” MTK yaşayış kompleksinə aid yeraltı avtomobil dayanacağında saxlanılması və daşınması barədə məlumat daxil olub.

Dövlət Gömrük Komitəsindən “Qafqazinfo”ya verilən məlumata görə, baxış zamanı, dayanacaqda “Toyota Land Cruiser” markalı, 90-LS-860 nömrə nişanlı minik avtomobilinin durduğu və İlqar Məmmədovun 1 ədəd bağlamada olan pirotexniki məmulatı həmin nəqliyyat vasitəsinə yüklədiyi müəyyən edilib.

Daha sonra avtomobilə baxış zamanı nəqliyyat vasitəsinin arxa yük yerində olan 1 ədəd bağlamada 144 ədəd “8 Shots color shots” markalı pirotexniki vasitə aşkar edilib.

Dayanacaqda olan qutularda isə ümumilikdə 114 min 789 ədəd müxtəlif markalı pirotexniki vasitələr aşkar olunub.

Faktla bağlı araşdırma aparılır.






Daha tez məlumatlanmaq üçün yeni Facebook səhifəmizi