Leyla Abdullayeva Oxçuçaydakı ekoloji fəlakətdən yazdı

Leyla Abdullayeva Oxçuçaydakı ekoloji fəlakətdən yazdı
Oxunma sayı: 1014

“Ermənistandakı hasilat və emal müəssisələri Oxçuçaya zəhərli tullantılar ataraq, bölgənin ətraf mühitini zəhərləyir”.

“Qafqazinfo” xəbər verir ki, bunu Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva tvitter hesabında yazıb.

“Bu tullantılar çay faunasını məhv edir və insan sağlamlığı üçün təhlükəlidir. İnsanlar və ətraf mühitin zəhərlənməsi dayanmalıdır!”, - L.Abdullayeva qeyd edib.

XİN rəsmisi BMT, BMT-nin Ətraf Mühit Proqramı, BMT-nin İnkişaf Proqramının Azərbaycan Nümayəndəliyi və “GreenPeace”i məsələyə biganə qalmamaları üçün paylaşımında işarələyib.