Masazıra niyə qaz verilmir?
Masazır qəsəbəsi, Rafiq Dünyamalıyev küçəsinin sakinləri bir həftədir qaz verilmədiyi üçün redaksiyamıza müraciət edib.
Şikayətçilər “Qafqazinfo”ya bildiriblər ki, bu problem qaz sayğaclarının tənzimləyicisi yeniləndikdən sonra baş verib: “Əvvəlki tənzimləyicilər İran istehsalı idi. Dəyişib Gəncə istehsalı qoyublar. Cihazlar işləmədiyi üçün 1 həftədir qaz gəlmir. Dəfələrlə zəng vurmuşuq, şikayətimizin nəzərə alındığını deyirlər. Ancaq nə gələn var, nə gedən”.
“Qafqazinfo” məsələylə bağlı “Azəriqaz”QSC-lə əlaqə saxlayıb. Qurumun mətbuat katibi İbrahim Kərbəlayev problemin tənzimləyicilərlə bağlı olmadığını bildirib: “Tənzimləyicilər yenidir və onlarda hər hansı bir problem yoxdur. Ərazidə qaz məhdudiyyətinin olmasının əsas səbəbi qaz xəttində sızma aşkarlanmasıdır. Hazırda briqada ərazidə işləyir və tezliklə problemi aradan qaldırılacaq”.
Son Xəbərlər
- 1
- 2
- 3
- 4
- 5
- 6
