“Maska və əlcək məcburi olacaq”
“Sabah koronavirus.info saytında ictimai davranış qaydaları yerləşdiriləcək”.
“Qafqazinfo”nun verdiyi xəbərə görə, bunu TƏBİB-in İdarə Heyətinin sədri Ramin Bayramlı deyib. O bildirib ki, karantin rejiminin tətbiqi ilə əldə edilən nəticələr qətiyyən laqeydliyə səbəb olmamalıdır: “Xüsusi karantin rejimi müddətində sərhədlər bağlı qalacaq. İndiyə qədər 11 minədək vətəndaşımız ölkəyə gətirilib. Xaricdən gətirilən hər bir şəxs 14 gün karantində qaldıqdan sonra test ediləcək, neqativ olanlar evə buraxılacaq. Peyvənd tapılmayanadək virusun əhali arasında yenidən sürətlə yayılma riski var.
Qaydalar hər bir şəxsin gündəlik həyat tərzi olmalıdır. Virus təhlükəsi aradan qalxmayanadək ictimai yerlərdə qoruyucu vasitələrdən - maska və əlcəkdən istifadə məcburi olacaq. Bunun arxasınca da əməl etməyənlərin cərimələnməsi prosesi olacaq. Buna isə Operativ Qərargah qərar verəcək. Cərimələnmə prosesini isə müvafiq dövlət qurumları həyata keçirəcək. İaşə yerlərində masalararası məsafə qorunmalıdır”.
Murad Əhməd
Son Xəbərlər
- 1
- 2
- 3
- 4
- 5
- 6
