Mədət Quliyevdən federasiya prezidenti kimi ilk - Açıqlama

medet-quliyevden-federasiya-prezidenti-kimi-ilk
Oxunma sayı: 2972

Azərbaycan Velosiped İdmanı Federasiyasının hesabat-seçki konfransında prezident seçilən Mədət Quliyev brifinq keçirib.

“Qafqazinfo” xəbər verir ki, o, federasiyanın gələcək planları barədə danışıb:

“Azərbaycanda çox gözəl velosiped idmanına infrastruktur yaradılıb. Dünyada çox az ölkələrdə belə imkanlar, yollar var. Velosiped sevənlər də əllərindən gələni etməlidirlər ki, velosipedə sevgi artsın. İnsanlar avtomobillərindən düşüb, velosipedə üstünlük versinlər. Bizim məqsədlərimizdən biri peşəkar velosipedçilər yetişdirməkdir.

Elçin Əsədov Tokio Yay Olimpiya Oyunlarında çox yaxşı iştirak elədi. Amma regionlarda da peşəkar velosiped idmanına sevgini artıraq. Dünyada 40-a yaxın peşəkar komanda var. Çalışacağıq ki, Azərbaycan da orada təmsil olunsun. Böyük nailiyyətlər əldə edəcəyimizə şübhə etmirəm”.

Elsevər Məmmədov

Həmçinin oxuyun: Mədət Quliyev bu federasiyanın rəhbəri oldu