Məhkumun zibilxanada gizlətdiyi tüfəng tapıldı
Penitensiar xidmət və Daxili İşlər Nazirliyinin əməkdaşları birgə uğurlu əməliyyat həyata keçirib.
"Qafqazinfo" xəbər verir ki, Cinayət Məcəlləsinin 234.4.1 və 234.4.3-cü maddələri ilə təqsirli bilinərək həbs edilmiş şəxs Rufan Azəri tərəfindən Suraxanı rayonu ərazisində zibilxanada gizlədilən 1 ədəd lüləsi kəsilmiş tüfəng aşkar edilib.
Bundan başqa, Bakı istintaq təcridxanasına psixotrop maddənin keçirilməsi cəhdinin qarşısı alınıb. Cinayət Məcəlləsinin 234.3.1-ci maddəsi ilə təqsirli bilinərək həbs edilmiş şəxs Elcan Hüseynov Bakı İstintaq təcridxanasına qəbul edilərkən onun üzərinə baxış keçirilən zaman əynindəki cins şalvarın astarında gizlətdiyi 1 ədəd kağız bükülüdə ümumi çəkisi 0,236 qram olan psixotrop maddə - metamfetamin aşkar olunub.
Son Xəbərlər
- 1
- 2
- 3
- 4
- 5
- 6
