Məmmədyarovla Mnatsakanyanın növbəti görüş yeri açıqlandı
Azərbaycan və Ermənistan Xarici İşlər nazirlərinin növbəti görüş tarixi və məkanı açıqlanıb.
“Qafqazinfo”nun “sputnik Ermənistan”a istinadən xəbərinə görə, Azərbaycan XİN rəhbəri Elmar Məmmədyarovun erməni həmkarı Zöhrab Mnatsakanyanla görüşü yanvarın 29-30-da Cenevrədə baş tutacaq. Bu barədə Ermənistan Xarici İşlər Nazirliyinin mətbuat katibi Anna Naqdalyan məlumat verib.
Onun sözlərinə görə, görüş ATƏT-in Minsk qrupu həmsədrlərinin vasitəçiliyi ilə keçiriləcək.
Tərəflər Qarabağ münaqişəsinin həlli ilə bağlı geniş mövzuları müzakirə edəcəklər.
Xatırladaq ki, tərəflər sonuncu dəfə 2019-cu il dekabrın əvvəlində ATƏT Xarici İşlər Nazirlərinin Bratislavada keçirilən zirvə görüşü çərçivəsində görüşmüşdülər.
Son Xəbərlər
- 1
- 2
- 3
- 4
- 5
- 6
