“Mən futbolçuyam, “vorzakon” aləmi ilə nə işim var?”
Xəbər verdiyimiz kimi, “Xəzər Lənkəran”dan ayrılan Kazım Kazımlı “Futbol+” qəzetinə müsahibəsində cənub təmsilçisindən pulunu almaq üçün haqqın tərəfində olan oğlanlara müraciət edəcəyini bildirmişdi.
“Qafqazinfo” xəbər verir ki, futbolçunun bu müsahibəsindən sonra onun “ağ-yaşıllar”da qalan 9 aylıq maaşını almaq üçün “vorzakon” aləminə üz tutacağı düşünülürdü.
Lakin Kazımlı “Qafqazinfo”ya açıqlamasında bunu təkzib edib. O bildirib ki, fikirləri yanlış anlaşılıb: “Fikirlərim yanlış anlaşılıb. Mən futbolçuyam və “vorzakon” aləmindən uzaq adamam. Öz işimi görürəm. Müsahibədə elə demək istəməmişəm. Sadəcə haqlı olduğum üçün haqqımı müdafiə edəcək insanların köməyi ilə pulumu almağa çalışacam”.
Son Xəbərlər
- 1
- 2
- 3
- 4
- 5
- 6
