Milli Məclisdə pensiyalarla bağlı dinləmələr keçiriləcək

Milli Məclisdə pensiyalarla bağlı dinləmələr keçiriləcək
Oxunma sayı: 4011

Milli Məclisin Əmək və sosial siyasət komitəsində “Əmək pensiyaları sahəsində aparılan islahatlar: nəticələr, çətinliklər və perspektivlər” mövzusunda və “Tütün istifadəsinin məhdudlaşdırılması haqqında” qanunun icrası vəziyyəti barədə dinləmələrin keçirilməsi nəzərdə tutulub.

“Qafqazinfo” xəbər verir ki, bu barədə komitənin bu gün keçirilən iclasında sədr Musa Quliyev məlumat verib.

Sözügedən iclasda qarşıdakı sessiyada iş planı ilə bağlı fikirlərini bildirən komitə üzvləri dinləmələrin problemlərin ortaya çıxarılması və həlli yollarının axtarılmasında əhəmiyyətini vurğulayıblar, eyni zamanda pandemiyanın məşğulluğa təsiri, qeyri-formal əmək münasibətlərinin rəsmiləşdirilməsi, şəxs vəfat edərkən onun pensiya kapitalının taleyi, əlillik və əlilliyin təyinatı məsələləri ilə bağlı rəylərini səsləndiriblər.