Millimiz Şimali İrlandiya ilə oyunda yeni formalardan istifadə edəcək
Bir neçə ildi “Umbro” şirkəti ilə əməkdaşlıq edən AFFA Azərbaycan millisi üçün Avro-2016-nın seçmə mərhələsinin sonuna qədər kifayət edəcək sayda geyim əldə edib. “Qafqazinfo”nun AFFA-nın rəsmi saytına istinadən məlumatına görə, mövcud geyim dəstlərindən qənaətlə istifadə olunduğundan, yığmamızın DÇ-2018-in geridə qalan oyunlarında da “Umbro” şirkətinin istehsalı olan formalardan istifadə olunub.
Seçmə mərhələnin digər qarşılaşmaları üçün forma almaq məqsədilə AFFA bir neçə, o cümlədən “Umbro” və “Nike” şirkətləri ilə danışıqlar aparıb. “Nike” şirkəti “Umbro” ilə müqayisədə tələb olunan geyimləri daha tez və 11 faiz ucuz qiymətə təmin etdiyi üçün AFFA ilə “Nike” arasında razılıq əldə olunub.
Beləliklə, Azərbaycan milli komandası DÇ-2018-in seçmə mərhələsində iyunun 10-da Şimali İrlandiyaya qarşı keçirəcəyi oyundan etibarən mövsümün sonuna qədər meydana “Nike” istehsalı formada çıxacaq.
Formanın dizaynı iyunun 8-də affa.az-da və assosiasiyanın rəsmi “facebook” səhifəsində təqdim ediləcək.
Son Xəbərlər
- 1
- 2
- 3
- 4
- 5
- 6
