19 yaşadək futbolçulardan ibarət Azərbaycan millisi Avropa çempionatının ilkin seçmə mərhələsində son oyununu keçirib.
"Qafqazinfo" xəbər verir ki, yığmamız son matçda San Marino ilə qarşılaşıb və 2:0 hesablı qələbə qazanıb. Komandamızın qələbə qollarına Rüfət Abdullazadə və Tural Bayramov imza atıb.
Qeyd edək ki, Samir Əliyevin komandası əvvəlki matçlarda Norveçə 0:1, Çexiyaya isə 0:4 hesabı ilə uduzduğu üçün növbəti mərhələ şansını itirib.