Millinin ən yaxşıları: Riçard, Bədavi, Qara...
Azərbaycan millisinin AVRO-2020-nin seçmə mərhələsindəki ilk 3 oyunundan sonra yığmanın ən yaxşıları açıqlanıb.
"Qafqazinfo" xəbər verir ki, UEFA-nın saytında dərc olunan statistikaya görə, komandanın ən yaxşısı Riçard Almeydadı. O, 425 xalla ümumi sıralamanın 186-cısıdı. Millinin seçmə mərhələsindəki 3 qolundan ikisinin müəllifi olan Ramil Şeydayevin 422 xalı var və o, komandada 2-ci, ümumi cədvəldə 188-ci pillədə qərarlaşıb. İlk "3-lüy"ü Bədavi Hüseynov qapayır. Təcrübəli müdafiəçi 350 xalla 276-cı yerdədi.
ilk "5-liy"in növbəti yerləri də "Qarabağ"lılara məxsusdu. Yarımmüdafiəçi Qara Qarayev 4-cü, Macarıstanla görüşdə yeganə qolumuzun müəllifi olan Mahir Əmrəli isə 5-cidi.
Maraqlıdı ki, millinin son oyunlardakı uğursuz nəticələrinə görə ən çox Riçard Almeyda, Bədavi Hüseynov və Qara Qarayev tənqid olunub. Ancaq hesablamalara görə onlar bu matçlarda yüksək performans göstəricilərinə malik olublar.
Son Xəbərlər
- 1
- 2
- 3
- 4
- 5
- 6
