Mina məsələsinin BMT proqramının sırasına daxil edilməsi təklif olundu
Beynəlxalq ekspertlər mina məsələsinin 18-ci məqsəd kimi Birləşmiş Millətlər Təşkilatının (BMT) Davamlı İnkişaf Proqramına əlavə olunmasına çağırış ediblər.
“Qafqazinfo” xəbər verir ki, bu məsələ Cenevrə mətbuat klubunda “Azərbaycanda minaların zərərləşdirilməsinə aparan yol: beynəlxalq çağırış” adlı konfransda gündəmə gətirilib.
Beynəlxalq Mina Xəbərdarlığı Gününə həsr olunmuş tədbir BMT-nin İqtisadi və Sosial Şurası (ECOSOC) yanında Əsas məşvərətçi statusuna malik olan Beynəlxalq Hüquq və İnkişaf İnstitutunun (İRDG) təşkilatçılığı ilə baş tutub.
Müzakirələr zamanı panel iştirakçıları Azərbaycanın işğaldan azad olunmuş ərazilərində Dayanıqlı İnkişaf Məqsədlərinin həyata keçirilməsində minanın uzunmüddətli təsiri kimi önəmli məqama toxunublar.
Ekspertlər BMT-nin Davamlı İnkişaf Proqramında 17 məqsədin olduğunu, lakin mina məsələsinin 18-ci məqsəd kimi sənədə əlavə olunmasının vacibliyini bildiriblər.
Müzakirələrlə bu linkə daxil olaraq tanış olmaq olar.
Son Xəbərlər
- 1
- 2
- 3
- 4
- 5
- 6
