Fövqəladə Hallar Nazirliyi dünən Mingəçevirdə baş verən yanğınla bağlı açıqlama verib.
Qurumun mətbuat xidmətinin rəhbəri Yəhya Babanlı “Qafqazinfo”ya bildirib ki, yanğın ötən gün 19:20 radələrində qamışlıqda baş verib və çox kiçik ərazini əhatə edib. Nazirliyin Dövlət Yanğından Mühafizə Xidmətinin (FHN DYMX) Mingəçevir şəhər Dövlət Yanğından Mühafizə Dəstəsinin vaxtında müdaxiləsi nəticəsində yanğın qısa müddətdə lokallaşdırılıb.
O, bildirib ki, yanğın zamanı xəsarət alan olmayıb.
Qeyd edək ki, Baku.ws yanğına bayram tonqalının səbəb olduğunu yazıb.
Günel Hacı
Son xəbərlər
Son Xəbərlər