Misir XİN Azərbaycana başsağlığı verdi
Misir Xarici İşlər Nazirliyinin (XİN) sözçüsü Əhməd Əbu Zeyd Azərbaycanın İrandakı səfirliyinə silahlı hücumu pisləyib.
“Qafqazinfo” xəbər verir ki, o, bu barədə tviter hesabında bildirib.
“Bu gün Azərbaycanın Tehrandakı səfirliyinə hücum nəticəsində səfirliyin əməkdaşının həlak olması ilə bağlı dost ölkə Azərbaycan hökumətinə və xalqına dərin hüznlə başsağlığı veririk. Biz bu ağrılı anda Misirin Azərbaycanla tam həmrəy olduğunu bəyan edirik”, - deyə XİN sözçüsü vurğulayıb.
Qeyd edək ki, bu gün Azərbaycanın İrandakı səfirliyinə terror hücumu olub. “Kalaşnikov” avtomatı ilə silahlanan İran vətəndaşı Yasin Hüseynzadə səfirlik binasına daxil olaraq mühafizə xidmətinin rəisini öldürüb, 2 əməkdaşı isə yaralayıb.
Son Xəbərlər
- 1
- 2
- 3
- 4
- 5
- 6
