Montində turizm şirkətinin əməkdaşları bıçaqlandı
Bakının Nərimanov rayonunda turizm şirkətinin müdiri ürəyindən, işçisi isə ayağından bıçaqlanıb.
“Qafqazinfo” APA-ya istinadən xəbər verir ki, hadisə Montin qəsəbəsində qeydə alınıb.
Turizm şirkətinin müdiri Cavid Məmmədov və işçisi 18 yaşlı Amanzadə Kamran Azər oğlu agentliyin sürücüsündən pul almaq üçün onun yaşadığı Nərimanov rayonu ərazisinə gedib. Bu zaman onlar 4 nəfər naməlum şəxsin hücumuna məruz qalıblar. C.Məmmədov ürəyindən bıçaqlanıb. O, ağır vəziyyətdə 5 nömrəli xəstəxanaya yerləşdirilib. Həkimlər onun vəziyyətinin ağır olduğunu bildirir. K.Amanzadə isə ayağından bıçaqlanaraq Kliniki Tibbi Mərkəzə yerləşdirilib.
Faktı Nərimanov rayon Polis İdarəsinin əməkdaşları araşdırır.
Son Xəbərlər
- 1
- 2
- 3
- 4
- 5
- 6
