Muharrem İncə CHP-ni sərt tənqid etdi

Muharrem İncə CHP-ni sərt tənqid etdi
Oxunma sayı: 1360

CHP-dən ayrılıb yeni partiya qurmağa hazırlaşan siyasətçi Muharrem İncə partiya daxilində ona qarşı baş verən ayrıseçkiliklərdən danışaraq sərt tənqidi fikirlər səsləndirib.

“Qafqazinfo” “Ensonhaber”ə istinadən xəbər verir ki, İncə seçki prosesi zamanı CHP-də ona yaxın adların siyahıdan çıxarıldığını və onun seçilməməsi üçün partiya qərargahının əlindən gələn hər şeyi etdiyini bildirib:

“Mənə yaxın adları millət vəkilliyinə namizəd vermir, televiziyaya reklamlarımı göndərmir və bu psixologiya altında mənə mitinq elətdirirlər, bununla belə dünya siyasət tarixinin ən sıx mitinqini təşkil edirik. Əhvalımı pozmaq üçün əllərindən gələni edirlər. Bilbordlara posterlərimi az asırlar, təşkilatlara maliyyə ayırmırlar, qazanmayım deyə əllərindən gələni edirlər”.

M.İncə, həmçinin yeni quracağı partiya haqqında da danışıb: “Bu gün başladığımız hərəkatın adı “Min gündə vətən hərəkatı”dır. Onun heyəti vacib insanlardan ibarətdir. Heyətimiz və sözlərimizlə qələbəyə hazırlaşırıq. Bu hərəkat öz gücünü millətimizdən alacaq. Sivas Konqresinin 4 sentyabr ildönümündə Sivasda olacağıq və ölkə hərəkatına başlayacağıq. Hərəkatımızda heç vaxt Atatürk düşmənləri olmayacaq. Hərəkat ağıl və elmə söykənəcək. İrq, dil və din ayrıseçkiliyinə qəti şəkildə qarşı çıxacağıq”.