Müsavat Divanı toplandı
Bu gün Müsavat Partiyası Divanının növbəti iclası keçirilib. “Qafqazinfo”ya daxil olan məlumata görə, iclasda Müsavat Partiyası başqanının müavini Tofiq Yaqublu Divan üzvü Nemət Kərimli ilə birlikdə 13 saylı CÇM-də saxlanılan siyasi məhbus İlkin Rüstəmzadənin ziyarətinə getmələri və görüşə imkan verilməməsi, eyni zamanda Müsavat başqanının müavini Fərəc Kərimlinin başqa həbsxanaya köçürülməsi haqqında Divana məlumat verib.
Müsavat partiyasının başqanı Arif Hacılı Avropa Şurasının Azərbaycan üzrə məruzəçiləri ilə görüşü barədə Divan üzvlərini məlumatlandırıb. Görüşdə ölkədəki insan haqlarının ağır durumu ictimai-siyasi vəziyyət, Qarabağ problemi və digər məsələlər müzakirə edilib.
Divan ölkədə və dünyada gedən siyasi prosesləri, baş verən hadisələri geniş müzakirə edib. Qarabağ danışıqlarında hazırkı müəmmalı vəziyyətdən narahatlığını bildirib.
Son Xəbərlər
