Müştərilərə qəlyan təklif edən çay evi aşkarlandı
Goranboy rayonu ərazisində xüsusi karantin rejimi qaydalarına zidd olaraq müştərilərə qəlyan təklif edən çay evi aşkar edilib.
“Qafqazinfo” xəbər verir ki, bu barədə Daxili İşlər Nazirliyinin Mətbuat Xidmətinin Gəncə regional qrupu məlumat yayıb.
Bildirilib ki, Goranboy Rayon Polis Şöbəsinin əməkdaşları tərəfindən keçirilən tədbirlər nəticəsində rayonun Qızılhacılı qəsəbəsindəki “Buta” çay evində müştərilərə qəlyan verildiyi məlum olub.
Xüsusi karantin qaydalarını pozan obyektin icarədarı və iki nəfər xidmət personalı barəsində İnzibati Xətalar Məcəlləsinin 211-ci maddəsi ilə inzibati protokol tərtib olunaraq, məsuliyyətə cəlb ediliblər.
Bundan başqa, polis əməkdaşları rayonun Balakürd kəndində karantin rejimi qaydalarının pozularaq yas mərasimi təşkil edildiyini müəyyən ediblər.
Mərasimi təşkil edənlər barəsində İnzibati Xətalar Məcəlləsinin 211-ci maddəsi ilə protokol tərtib edilərək, cərimə olunublar.
Son Xəbərlər
- 1
- 2
- 3
- 4
- 5
- 6
