Nataliya Oreyro and içib Rusiya pasportunu aldı - Video

nataliya-oreyro-and-icib-rusiya-pasportunu-aldi
Oxunma sayı: 4280

Argentina istehsalı olan “Vəhşi mələk” serialındakı baş rolu sayəsində dünya şöhrəti qazanmış uruqvaylı müğənni və aktrisa Nataliya Oreyro Rusiya Federasiyasının vətəndaşı kimi and içib və ölkənin pasportunu alıb. 

“Qafqazinfo” “Birinci kanal”a istinadən xəbər verir ki, təntənəli mərasim noyabrın 10-da Rusiyanın Buenos-Ayresdəki səfirliyində keçirilib. 

Oreyro andiçmə mətnini rus dilində oxuyub: “Mən, Oreyro İqlesias Nataliya Marisa könüllü və şüurlu şəkildə Rusiya Federasiyasının vətəndaşlığını qəbul edirəm, Rusiyaya sadiq olacağıma, onun mədəniyyəti, tarixi və ənənələrinə hörmət edəcəyimə and içirəm”. 

Qeyd edək ki, daha əvvəl Rusiya Prezidenti Vladimir Putin Nataliya Oreyroya vətəndaşlıq verilməsi ilə bağlı sərəncam imzalayıb.