Nazarbayevin partiyası parlament seçkilərinin qalibi oldu
Qazaxıstanın birinci Prezidenti Nursultan Nazarbayevin başçılıq etdiyi hakim “Nur Otan” Partiyası ölkədə keçirilən parlament seçkilərində 71,09% səslə qalib gəlib.
“Qafqazinfo” “TASS”a istinadən xəbər verir ki, bu barədə Mərkəzi Seçki Komissiyasının sədr müavini Konstantin Petrov bildirib.
“Səslər aşağıdakı kimidir: “Nur Otan” Partiyası – 5 milyon 148 min 74 səs və ya 71,09%.
“Ak jol” (10,95%) və Qazaxıstanın Xalq Partiyası (9,10%) da Məclisə keçirilən seçkilərin nəticələrinə əsasən parlamentə keçirlər.
Beləliklə, 7 %-lik keçid baryerini üç siyasi partiya aşıb: Qazaxıstanın Xalq Partiyası, “Nur Otan” Partiyası, Qazaxıstanın “Ak jol” Demokratik Partiyası”, - deyə Petrov qeyd edib.
“Nur Otan” parlamentin yeni tərkibində 76 mandat, digər iki partiya – 12 və 10 yer alacaq.
Son Xəbərlər
- 1
- 2
- 3
- 4
- 5
- 6
