Nazir Xızıda vətəndaşlarla görüşüb - Foto
.jpg "nazir-xizida-vetendaslarla-gorusub")
Nəqliyyat, rabitə və yüksək texnologiyalar naziri Ramin Quluzadə bu gün Xızı şəhərində vətəndaşlarla görüşüb.
“Qafqazinfo” xəbər verir ki, görüşdə Xızıyla yanaşı, Abşeron, Qubadlı, Zəngilan, Şuşa rayonlarının və Sumqayıt şəhərinin də sakinləri iştirak edib.
Vətəndaşların müraciətləri dinlənilib, qaldırılan məsələlərin həlli üçün nazirliyin müvafiq qurumlarına tapşırıqlar verilib. Əksər müraciətlər yerindəcə öz müsbət həllini tapıb.
Müraciətlər telekommunikasiya, internet, poçt xidmətləri, yol təmir-tikintisi, yeni marşrut xəttinin açılması, marşrut qrafiklərində dəyişiklik edilməsi və işə qəbul kimi məsələləri əhatə edib.
Bəzi vətəndaşlar tərəfindən qaldırılan məsələlər nazirliyin səlahiyyətlərinə aid olmadığı üçün müvafiq qurumlara ünvanlanması üzrə qeydiyyata alınıb.
.jpg)
Son Xəbərlər
