Neft kəskin ucuzlaşdı
“Brent” markalı neft fyuçerslərinin dəyərində kəskin enmə olub.
“Qafqazinfo” xəbər verir ki, “Brent” markalı neftin fyuçers müqaviləsinin dəyəri 9,84% azalaraq bir barel üçün 72,96 dollar təşkil edib.
Bildirilir ki, kəskin enmə Avropada yeni COVID-19 ştamının ortaya çıxması xəbərləri fonunda baş verir.
2022-ci ilin yanvarında çatdırılacaq “WTI” markalı xam neftin fyuçersləri 10,88% ucuzlaşaraq, 69,86 dollar/barel təşkil edir.
Bakı vaxtı ilə saat 19:57-də “Brent” neftinin qiyməti enişini bir barelə görə 72,47 dollara (-10,44%), “WTI” 11,42% azalaraq, 69,44 barelə kimi sürətləndirib.
Neftin qiymətinin kəskin düşməsi əvvəllər Cənubi Afrikanın bir sıra ölkələrində aşkar edilmiş yeni COVID-19 ştamının Avropada ortaya çıxması xəbərləri fonunda baş verir.
Son Xəbərlər
- 1
- 2
- 3
- 4
- 5
- 6
