Neftçalada yaşayış binasında yanğın - Fotolar + Video + Yenilənib
Neftçala rayonunda dördmərtəbəli yaşayış binasında yanğın baş verib.
“Qafqazinfo” Fövqəladə Hallar Nazirliyinə (FHN) istinadən xəbər verir ki, Nazirliyin "112" qaynar telefon xəttinə, Neftçala şəhəri, H.Əliyev prospekti 4 ünvanında yaşayış binasının dam örtüyündə yanğın olması barədə məlumat daxil olub.
Dərhal Nazirliyin Dövlət Yanğından Mühafizə Xidmətinin yanğınsöndürmə qüvvələri hadisə yerinə cəlb olunub.
Sakinlər təxliyyə edilib.
***
Fövqəladə Hallar Nazirliyinin sözçüsü Gülçin Mehdiyeva “Qafqazinfo”ya açıqlamasında bildirib ki, hazırda yanğın lokallaşdırılıb, tamamilə söndürülməsi istiqamətində işlər davam etdirilir. Yanğında xəsarət alan olmayıb.
***
TƏBİB-dən "Qafqazinfo"ya verilən məlumata görə, 4 mərtəbəli yaşayış binasında baş vermiş yanğında ilkin məlumata görə xəsarət alan yoxdur. Təcili yardımın 4 briqadası hadisə yerindədir. Hadisədə qorxu keçirən sakinlərə yerindəcə ambulator yardım göstərilib.
***
Yanğın Dövlət Yanğından Mühafizə Xidmətinin yanğınsöndürmə qüvvələri tərəfindən saat 21:15 dəqiqədə söndürülüb. Bu barədə FHN-nin yaydığı məlumatda deyilir.
Foto: APA
Son Xəbərlər
- 1
- 2
- 3
- 4
- 5
- 6
