“Neftçi”dən sonuncu transfer
Qış fasilənə qədər uğursuz çıxışı ilə yadda qalan və bunun nəticəsi kimi heyətini yeniləyən "Neftçi" sonuncu transferinə hazırlaşır. “Qafqazinfo” futbol11.az-a istinadən xəbər verir ki, "ağ-qaralar" heyətini hücumçu ilə gücləndirməyə hazırlaşır.
Artıq onun kimliyi bizə məlum olub. Bu, serbiyalı Nemanya Kojiçdi. "Neftçi" rəhbərliyi hazırda 26 yaşlı hücumçu ilə danışıqları davam etdirir. Razılıq əldə olunacağı halda, tərəflər arasında rəsmi sözləşmə imzalanacaq.
Qeyd edək ki, Kojiçin son iş yeri Türkiyənin "Qaziantep BB" klubu olub. O, qardaş ölkə klubu ilə meydana çıxdığı 45 qarşılaşmada 12 qol vurub. Bundan başqa serbiyalı forvard ölkəsində "Rad" və "Partizan" klublarının şərəfini qoruyub.
Son Xəbərlər
- 1
- 2
- 3
- 4
- 5
- 6
