“Neftçi”nin transfer etmək istədiyi futbolçu Danimarkada həbsdə olub
“Neftçi”nin növbəti mövsüm üçün anlaşdığı deyilən 22 yaşlı nigeriyalı Akinkunmi Amoo 2022-ci ildə Danimarkada cinsi təcavüzə görə həbsdə olub.
“Qafqazinfo”nun futbolinfo.az-a istinadən məlumatına görə, həmin vaxt cinsi təcavüzdə günahlandırılan futbolçu ilə bağlı məhkəmə birillik həbs qərarı verib.
Ardından isə o, ölkədən deportasiyası edilib.
Hətta qərarda o da vurğulanıb ki, futbolçunun 6 il müddətinə Danimarkaya girişi qadağan edilsin.
Qeyd edək ki, “Neftçi”nin futbolçu ilə 4 illik müqavilə imzalayacağı deyilir. Futbolçunun Bakı klubunun düşərgəsində olması və bununla bağlı fotoların yayılması iddialları gücləndirib. Lakin “ağ-qaralar” hələ ki, keçid barədə rəsmi məlumat yaymayıb.
Son Xəbərlər
- 1
- 2
- 3
- 4
- 5
- 6
