Nizamidə koronavirusa qarşı maarifləndirmə işləri aparılır - Fotolar

Nizamidə koronavirusa qarşı maarifləndirmə işləri aparılır
Oxunma sayı: 747

Nizami rayonunda Nazirlər Kabineti yanında Operativ Qərargahın tələb və tövsiyələrinə uyğun olaraq, koronavirus (COVID -19) infeksiyasının geniş yayılmasının və yarada biləcəyi təhlükənin qarşısının alınması, xüsusi karantin rejiminin tələblərinə əməl olunması məqsədilə qabaqlayıcı tədbirlər və maarifləndirmə işləri aparılır. 

“Qafqazinfo” xəbər verir ki, koronavirus infeksiyasına yoluxmanın sürətini azaltmaq, vətəndaşların təhlükəsizliyinin təmin edilməsi və sağlamlığının qorunması məqsədilə sosial təcridin gücləndirilməsi, habelə fərdi izahetmə-xəbərdarlıq işlərinin aparılması üçün Rayon İcra Hakimiyyəti başçısı aparatının, inzibati ərazi nümayəndəliklərinin, bələdiyyələrin, xidmət sahələrinin nümayəndələri və polis əməkdaşlarından ibarət yaradılmış mobil qrupların fəaliyyəti gücləndirilib.

Mobil qruplar tərəfindən rayon ərazisində izahetmə-xəbərdarlıq işləri aparılaraq, vətəndaşlardan xüsusi karantin rejiminin qaydalarına əməl etmələri, zərurət olmadıqda evdən çıxmamaları, yalnız təxirəsalınmaz tibbi yardıma ehtiyac olduqda, həyat və sağlamlığa bilavasitə təhlükəli vəziyyət yarandıqda, əhaliyə xidmət göstərən obyektlərə gedildikdə, məişət tullantıları atıldıqda evdən çıxmaları, ciddi zərurət olmadan şəxsi avtomobillərdən istifadə etməmələri, insanlarla təmas zamanı 2 metrlik ara məsafəsini gözləmələri tövsiyə edilib.

Bundan əlavə, rayon ərazisində tək yaşayan və qayğıya ehtiyacı olan insanların siyahısı hazırlanıb, onlara ərzaq və tibbi ləvazimatların alınması təşkil edilir.









Daha tez məlumatlanmaq üçün yeni Facebook səhifəmizi