“O, bizdən əvvəlkindən 3 dəfə çox pul istədi”
Xəbər verdiyimiz kimi, “Qəbələ” Avropa Liqasının II təsnifat mərhələsi çərçivəsində Polşanın “Yaqelloniya” klubu ilə qarşılaşıb.
“Qafqazinfo” xəbər verir ki, matçdan sonra “qırmızı-qaralar”ın vitse-prezidenti Fariz Nəcəfov oyunu şərh edib. Bildirib ki, yeni transferlərin oyunundan tam olmasa da, razı qalıb.
Nəcəfov futbolçuların maaş məsələsinə də toxunub: “Bizdə elə bir sistem yoxdur ki, futbolçular özlərini yaxşı göstərdikdən sonra maaşlarını artıraq. Kvekveskiri bu il bizdən əvvəlki maaşından 3 dəfə çox pul istədi. Onun istədiyi maaşı verə bilmədiyimiz üçün komandadan ayrıldı. Heç bir futbolçunu komandadan səbəbsiz göndərməmişik. Biz də istəyirik daimi heyətimiz olsun. Belə olanda uğurda olur”.
Vitse-prezident qeyd edib ki, nə vaxt ki, klubun büdcəsi artacaq, komanda öz stadionu tikib bitirəcək, o zaman da “Qəbələ” elə Qəbələdə oynayacaq.
Son Xəbərlər
- 1
- 2
- 3
- 4
- 5
- 6
