“OBA”da yaralanan qadınların son vəziyyəti açıqlandı
Xəbər verdiyimiz kimi, bu gün səhər saat 06:45 radələrində “OBA” marketlər şəbəkəsinin “Binə 3” filialında partlayış baş verib. Hadisə zamanı 3 nəfər xəsarət alıb.
“Qafqazinfo” məsələ ilə bağlı TƏBİB-ə sorğu ünvanlayıb. Qurumdan bildirilib ki, hadisə ilə bağlı saat 07:00 radələrində Xəzər rayonu, Binə südçülük sovxozu, “OBA” marketdə yanğın baş verməsi səbəbilə çağırış daxil olub.
“Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 3 nəfər qadın cinsli müxtəlif dərəcəli yanıq xəsarətləri ilə Nərimanov Tibb Mərkəzinin nəzdində fəaliyyət göstərən Yanıq Mərkəzinə təxliyə olunub.
Xəsarət alan şəxslərə əl və üz nahiyəsinin II-III dərəcəli yanıq diaqnozu təyin edilib.
Onlara zəruri tibbi yardım göstərilib. Vəziyyətləri qənaətbəxş hesab olunan şəxslər ambulator müalicə üçün evə buraxılıblar”, - məlumatda qeyd olunub.
Son Xəbərlər
- 1
- 2
- 3
- 4
- 5
- 6
