“Mən ilk dəfə övladım haqda 1996-cı ildə geniş danışmışam. Heç kim sığortalanmayıb ki, həyatı sabah necə olacaq. Bu haqda danışmaq istəmirəm”. 

Ağayev daha sonra mövzuya münasibət bildirərək qeyd edib ki, nikahdankənar dünyaya uşaq gətirənləri qınaq obyektinə çevirmək doğru deyil:

“Nikahdankənar dünyaya uşaq gətirənlərə məzəmmətlə yanaşmaq ən yüngül yoldur. Ötən illərə nəzər salsaq, görərik ki, tək uşaq böyüdən qadın cəmiyyətin qınağına tuş gəlirdi. Cəmiyyət qaydalarımızda da dəyişiklik baş verib, tək uşaq böyüdən qadınlara əvvəlki qədər pis baxılmır. Nikahdankənar uşaq dünyaya gətirənlərə qarşı  qınaq iki tezis üzərində qurulub. Birincisi Azərbaycan oğlanı  istəyir bakirə qızla ailə qursun. İkincisi kişiyə edilən güzəştlər qadına edilmir. Qadın ikinci dəfə ailə qura bilməz, kişi isə qura bilər. Nikahdankənar uşaq dünyaya gətirənləri qınamaqla yanaşı onlara cəmiyyətdə yer etmək lazımdır. Şou-biznes kiçik bir cəmiyyətdir. Burada olan insanlarda cəmiyyətin bir üzvüdür. Sadəcə onların həyatı göz qabağındadır. Şou-biznes nümayəndələrini bəzi mövzusuzluqdan əziyyət çəkən jurnalistlər qınaq obyektinə çevirir. Mən xalq işərisindəyəm, heç kim bizi qınamır. Şou-biznes nümayəndələri də ailə qurur. Sovet vaxtında valideynlər istəmirdi övladı şou-biznes nümayəndəsi ilə ailə qursun.”

Könül