Dekabrın 31-də Rusiyanın Maqnitoqorsk şəhərində 48 mənzilli onmərtəbəli yaşayış binasında qaz sızması nəticəsində baş verən partlayış və onun təsirindən binanın giriş hissəsinin uçması nəticəsində ölənlərin sayı 11-ə çatıb. Həlak olanlardan biri azyaşlıdır.

“Qafqazinfo” “TASS” agentliyinə istinadən xəbər verir ki, dağıntılar altında 30 nəfər qalıb. Onların sağ qalıb-qalmaması haqda hələ ki, məlumat yoxdur.

Hazırda hadisə yerində 900 xilasedici və 220-yə yaxın texnika fəaliyyət göstərir.

***

“TASS” xəbər verir ki, hadisə nəticəsində ölən şəxslərin sayı artıq 19 nəfərə yüksəlib. 

“Dağıntılar altından iki uşaqla bir qadın cəsədi çıxarılıb”, - deyə Fövqəladə Hallar Nazirliyinin əməkdaşı bildirib.

***

“RİA Novosti”nin məlumatına görə, dağıntılar altından daha bir kişinin meyiti çıxarılıb. Bununla da, ölənlərin sayı 20 nəfərə çatıb.

Hazırda 21 nəfərin taleyindən xəbər yoxdur.

***

“RİA Novosti” xəbər verir ki, dağıntılar altından daha 4 nəfərin cəsədini çıxarıblar. Bununla da, hadisə qurbanlarının sayı 24 nəfərə çatıb. 

17 nəfərin sağ qalıb-qalmaması haqqında informasiya yoxdur.

***

Rusiyanın Maqnitoqorsk şəhərində yaşayış binasında baş vermiş partlayış nəticəsində ölənlərin sayı 37 nəfərə çatıb.

*** 

Binanın çökməsi nəticəsində ölənlərin sayl 39 nəfərə çatıb. Daha 2 qadının cəsədi tapılıb.