Ölkə rəhbərliyi Abuzər Xələfovun vəfatı ilə bağlı başsağlığı verib
Prezident İlham Əliyev və Birinci Vitse-Prezident Mehriban Əliyeva Azərbaycanda kitabxana işi üzrə tanınmış tədqiqatçı, Əməkdar elm xadimi Abuzər Xələfovun vəfatı ilə bağlı başsağlığı verib.
"Qafqazinfo" xəbər verir ki, Abuzər Xələfov 2020-ci il aprelin 27-də, 89 yaşında vəfat edib.
Abuzər Xələfov kitabxana işinin tarixinə, kitabxanaşünaslığın nəzəriyyəsi və metodikasına dair 500-ə yaxın əsərin, o cümlədən monoqrafiyaların, dərslik və dərs vəsaitlərinin müəllifi idi. O, yüksək hazırlıqlı mütəxəssislərin yetişdirilməsi işinə xüsusi diqqət göstərirdi. Kitabxanaçılıq və biblioqrafiyaşünaslıq istiqamətləri üzrə respublikada formalaşmış kadrların əksəriyyəti onun yetirmələridir.
Son Xəbərlər
