“Omicron”un geniş yayılacağını gözləyirik”
ABŞ-da COVID-19-un yeni ştamı olan "Omicron"un yayılması fonunda sərt məhdudiyyətlərin tətbiq edilməyəcəyi gözlənilir.
“Qafqazinfo” xəbər verir ki, bunu ABŞ-ın Baş infeksionisti Entoni Fauçi deyib.
Fauçi bildirib ki, indiki vəziyyətdə həkimlər baxımından ən önəmlisi, onların sərəncamında, prinsipcə, koronavirus infeksiyasının yayılması ilə mübarizə aparmağa imkan verən vasitələrin olub-olmamasıdır: "Bu ştam haqqında çox şey bilmirik, amma bir şeydən əminik ki, peyvənd olunmuş insanlar xəstəliyi peyvənd olmayanlardan daha asan keçirirlər".
Mütəxəssis əlavə edib ki, ABŞ-da yeni “Omicron” ştamı aşkarlanmayıb:
“Lakin gec-tez geniş yayılacağını gözləyirik. Gec və ya tez "Omicron" qaçılmaz olaraq geniş yayılacaq, çünki o, yüksək yoluxucu bir virusun molekulyar xüsusiyyətlərinə malikdir".
Son Xəbərlər
- 1
- 2
- 3
- 4
- 5
- 6
