Onlar üçün Azərbaycan dili imtahanının müddəti azaldıldı
Qəbul imtahanını rus dilində verən abituriyentlər üçün Azərbaycan dili (dövlət dili kimi) imtahanının müddəti azaldılıb.
“Qafqazinfo” xəbər verir ki, bu barədə Baş Nazir Əli Əsədov “Koronavirus (COVID-19) pandemiyasının ölkənin təhsil müəssisələrində təhsil prosesinə mənfi təsirinin aradan qaldırılması ilə bağlı bəzi tədbirlər barədə” qərar imzalayıb.
Qərara əsasən, qəbul imtahanını rus dilində verən abituriyentlər üçün Azərbaycan dili (dövlət dili kimi) fənnindən ayrıca test imtahanın müddəti 1 saat 30 dəqiqədən 45 dəqiqəyə endirilib.
Belə ki, abituriyentlər onlara təqdim olunan 30 tapşırığı 45 dəqiqə ərzində tamamlamalı olacaq.
Son Xəbərlər
- 1
- 2
- 3
- 4
- 5
- 6
