“OPEC-in gələcəyi yoxdur”
“OPEC daxili siyasi mövqe müxtəlifliyi səbəbindən tənzimləyici funksiyanı yerinə yetirmək durumunda deyil və islahatlara ehtiyacı var”.
“Qafqazinfo”nun ans press-ə istinadən məlumatına görə, bunu “Lukoyl” neft şirkətinin prezidenti Vahid Ələkbərov Almaniyanın “Welt am Sonntag” qəzetinə müsahibəsində bildirib.
V. Ələkbərov deyib ki, OPEC-də mütləq islahatlar aparılmalıdır: “OPEK üzv ölkələr arasında fəaliyyəti koordinasiya etmək üçün yeni rıçaqlar hazırlamalıdır. İndiki formada OPEK-in gələcəyi yoxdur, onun imkanları tükənib”.
Xatırladaq ki, aprelin 17-də Qətərin paytaxtı Doha şəhərində keçirilən OPEC-in iclası da uğursuz nəticələnib. İclasda təşkilata daxil olan dövlətlərlə yanaşı olmayanlar da iştirak edib. Görüşün məqsədi neftin hasilatını 2016-cı ilin yanvar ayı səviyyəsində saxlanılması barədə qərar qəbul etmək idi.
Bütün səylərə baxmayaraq, Səudiyyə Ərəbistanı irəli sürdüyü şərtini geri götürməyib. Səudiyyə Ərəbistanının İran ilə ziddiyyətli münasibətləri neftin hasilatının “dondurulmasına” imkan verməyib.
Son Xəbərlər
- 1
- 2
- 3
- 4
- 5
- 6
