“Ötən il 11 min müəllim işə qəbul olunub”
Bu gündən etibarən müəllimlərin işə qəbulu üzrə elektron sənəd qəbuluna start verilib. "Qafqazinfo" xəbər verir ki, müsabiqədə iştirak etmək istəyən namizədlər miq.edu.az saytında qeydiyyatdan keçməlidirlər. Qəbul iyulun 3-dək davam edəcək.
Təhsil Nazirliyinin İnsan Resursları Şöbəsinin müdiri Eşqi Bağırov bildirib ki, artıq 500 nəfərə yaxın şəxs qeydiyyatdan keçib:
"Bu rəqəm bu saata olan nəticədir. Ötən il rekord göstərici olaraq ümumilikdə 51 minə yaxın müəllim müraciət etmiş və il ərzində 10-11 min müəllim işə qəbul olmuşdu. Bu il isə nəticənin daha yüksək olması gözlənilir. Həmçinin ümumi təhsil müəssisələrində ixtisası üzrə fasiləsiz olaraq 10 il müddətsiz müqavilə ilə müəllimlik fəaliyyəti göstərmiş və 3 ildən az müddətə işdən ayrılmış, bilik və bacarıqların diaqnostik qiymətləndirilməsində iştirak etmiş şəxslər qiymətləndirmə nəticələrinə uyğun olaraq müsabiqənin birbaşa vakansiya seçimi mərhələsində iştirak etmək hüququna malikdirlər. Test imtahanları mərhələsi isə 8-24 iyul aralığında baş tutacaq".
Son Xəbərlər
- 1
- 2
- 3
- 4
- 5
- 6
