Suraxanı rayonunun Hövsan qəsəbəsi ərazisində yol-nəqliyyat hadisəsi baş verib.
“Qafqazinfo” xəbər verir ki, qəza noyabrın 16-da saat 7 radələrində qeydə alınıb.
Bakı şəhər sakini İ.Əliyev idarə etdiyi “Mitsubishi Pajero İO” markalı avtomobili yolun kənarındakı maneəyə vurub.
Nəticədə sərnişini - Qazax rayon sakini Tacirə Daşdıyeva hadisə yerində ölüb, sürücü və digər sərnişin xəstəxanaya yerləşdiriliblər.
Suraxanı RPİ tərəfindən araşdırma aparılır.