“Panatinaikos” bizdən güclü idi” - “Qəbələ”nin legioneri
Avropa Liqasının 3-cü təsnifat mərhələsinin cavab görüşündə “Qəbələ” doğma meydanda “Panatinaikos”a 2-1 hesabı ilə məğlub olub.
“Qafqazinfo” xəbər verir ki, “Qəbələ”nin futbolçusu Deyvi Bultyuz birifinqdə jurnalistlərin suallarını cavablandırıb.
- Oyun çətin keçdi. 60 dəqiqə ərzində qapımızı toxunulmaz saxladıq və rəqibi 1 dəfə cəzalandırdıq. Amma buna baxmayaraq adi səhvdən qol buraxdıq. 2-3 dəqiqə sonra isə 2-ci qolu da qapımızda gördük. Toparlanmaq çətin oldu. Düşünürəm ki, “Panatinaikos” daha güclü komanda idi.
- İlk hissədə hücumlara yaxşı qoşula bilmirdin...
- İlk hissədə oyunumuz elə də yaxşı alınmadı. İkinci hissədə isə nisbətən vəziyyəti dəyişdik. Amma yenə alınmadı.
- Afinadakı oyundan sonra bu qədər çətin oyun keçirəcəyinizi düşünürdün?
- İlk oyunda da istənilən kimi çıxış etmədik. Evdəki oyunda hesabı bərabərləşdirdik. Amma ardınca səhvlərimizdən qollar buraxdıq. Bu da rəqibin səviyyəsindən xəbər verirdi. Afinada da çətin olmuşdu, burda da.
- Artıq Avropa Liqasında mübarizəni başa vurdunuz. Azərbaycan çempionatında debüt matçını “İnter”ə qarşı keçirə bilərsən...
- Bəli, artıq fikrimizi daxili çempionata cəmləməliyik. Bu, mənim debüt oyunum ola bilər. “İnter” barədə məlumatlı deyiləm.
Son Xəbərlər
- 1
- 2
- 3
- 4
- 5
- 6
