Paşinyanın istefası xəbərinə təkzib - “Qulaqlarının dibini görərlər”

Paşinyanın istefası xəbərinə təkzib
Oxunma sayı: 4697

Ermənistanın Baş nazirinin ofisi Nikol Paşinyanın istefası ilə bağlı yayılan xəbərləri təkzib edib.

“Qafqazinfo” xəbər verir ki, Baş nazirin aparat rəhbərinin müavini Taron Çaxoyan sosial şəbəkədə yazıb ki, “yalan şayiələr yayanlar baş nazirin istefasını öz qulaqlarının dibini görəndə görəcəklər”:

"Ermənistan vətəndaşları cəmi bir il əvvəl öz seçimini ediblər. İrəvan küçələrində müxalifət öz tərəfdarlarını ruhlandırmaq üçün növbəti yalanı yayırlar. Başa düşürəm ki, sıralarınız azalıb, siz getdikcə azalırsınız, amma belə kiçik zarafatlarla siz öz tərəfdarlarınızı daha da məyus edirsiniz”, - Çaxoyan yazır.

O bildirib ki, müxalifət fəallığının azalması bir neçə günün işidir. Onun sözlərinə görə, hər il istefa və növbədənkənar seçki tələb etmək absurddur.